Ўрта Осиёнинг қадимги кутубхоналари

Тошкент, 2004 - 34 б.Китоб – инсоннинг энг яқин дўсти ва маслаҳат- чиси, ақл қайроғи ва билим манбаидир. Китоб–фикрлаш қуроли, хазиналар калити, тафаккур манбаи бўлгани учун ҳам халқимиз уни нондай азиз, мўътабар ва муқаддас деб ҳисоблаган. Ўзбек халқи ҳам, дунёдаги энг китобхон халқлардан биридир. Китобга муҳаббат, уни қадрлаш, ўқишга иштиёқ халқимиз-нинг қон-қонига сингиб кетган.Чунки халқимиз қадимдан китобни ҳаёт дарслиги, мўъжиза деб эъзозлаган, маънавий тафаккур,хазиналар маскани – кутубхонага ҳурмат ва эътибор билан қаралган ва ҳозир ҳам шу эъзоз сақланиб қолган. Кутубхоналарнинг вазифаси ушбу дурдонафикрлар акс этган, маънавий озуқа берадиган, билимга бой бўлган матбуот асарларини тўплаш, сақлаш ва ундаги ахборотларни китобхонга етказиб беришдан иборат.